സോളാര്‍ കേസ്‌: ബിജു രാധാകൃഷ്‌ണനും സരിതയ്‌ക്കും മൂന്നുവര്‍ഷം തടവ്‌

സോളാര്‍ കേസില്‍ സരിത നായര്‍ക്കും ബിജു രാധാകൃഷ്‌ണനും പെരുമ്പാവൂര്‍ കോടതി മൂന്നുവര്‍ഷം തടവും പതിനായിരം രൂപ പിഴയും വിധിച്ചു. മുടിക്കല്‍ കുറുപ്പാലി വീട്ടില്‍ കെ.എം. സജാദ്‌ നല്‍കിയ പരാതിയിലാണ്‌ ശിക്ഷ വിധിച്ചത്‌.

പിഴയടച്ചില്ലെങ്കില്‍ ആറുമാസം കൂടി ശിക്ഷ കൂടുതല്‍ അനുഭവിക്കണം.
പെരുമ്പാവൂര്‍ ഒന്നാം ക്ലാസ്‌ മജിസ്‌ട്രേറ്റ്‌ കോടതിയുടേതാണ്‌ വിധി. കൂട്ടുപ്രതികളായ നടി ശാലു മേനോന്‍, മാതാവ്‌ കലാദേവി, കൊടുങ്ങല്ലൂര്‍ പുളിമുട്ടം മുണ്ടേങ്ങാട്ട്‌ വീട്ടില്‍ മണിമോന്‍ എന്നിവരെ വെറുതെ വിട്ടു. 2012 സെപ്‌റ്റംബര്‍ 12നാണ്‌ കേസിനാസ്‌പദമായ സംഭവം.