ഇന്ത്യയിലെ റെയില്‍വേ സ്റ്റേഷനുകളില്‍ ഗൂഗിളിന്റെ സൗജന്യ വൈഫൈ

2016 അവസാനത്തോടെ രാജ്യത്തെ 100 റെയില്‍വേ സ്റ്റേഷനുകളില്‍ സൗജന്യ ഹൈസ്പീഡ് വൈഫൈ സൗകര്യം നടപ്പിലാക്കാൻ ഗൂഗിൾ. വരുന്ന മൂന്നുവര്‍ഷത്തിനുള്ളില്‍ ഇ്ന്ത്യയിലെ ഗ്രാമീണ മേഖലയിലെ സ്ത്രീകള്‍ക്കിടയിലും ആയിരക്കണക്കിന് ഗ്രാമീണര്‍ക്കിടയിലും ഇന്റര്‍നെറ്റ് ഉപയോഗം വ്യാപിപ്പിക്കുമെന്ന് ഗൂഗിള്‍ സി.ഇ.ഒ സുന്ദര്‍ പിച്ചെ. രാജ്യത്തെ റെയില്‍വേ സ്റ്റേഷനുകളില്‍ സൗജന്യ വൈഫൈ സൗകര്യം നല്‍കുന്ന റെയില്‍വയര് വൈഫൈ പദ്ധതിക്കുവേണ്ടി ഇന്ത്യന്‍ റെയില്‍വേയുമായി സഹകരിച്ച് പ്രവര്‍ത്തിക്കുകയാണെന്നും അദ്ദേഹം വ്യക്തമാക്കി. റെയില്‍വേ സ്റ്റേഷനുകളില്‍ വൈഫൈ സൗജന്യമാക്കുന്നതിന്റെ ആദ്യപടിയെന്ന നിലയില്‍ 2016 ജനുവരിയില്‍ മുംബൈ സെന്‍ട്രല്‍ റെയില്‍വേ സ്റ്റേഷനില്‍ ഈ സൗകര്യം കൊണ്ടുവരുമെന്നും അദ്ദേഹം വ്യക്തമാക്കി.

Sundar_Pichai

ഗൂഗിള്‍ എസ്.എം.എസ് പ്രവാസികള്‍ക്കിടയില്‍ പ്രചാരമേറുന്നു

ജി മെയിലിൽ നിന്നു പ്രതിദിനം 50 എസ്.എം.എസ്സുകള്‍ അയയ്ക്കാനുള്ള സംവിധാനം ഗൂഗിൾ ഈയ്യിടെ അവതരിപ്പിച്ചിരുന്നു. കോണ്‍ടാക്ടില്‍ രാജ്യവും മൊബൈല്‍നമ്പറും ചേര്‍ത്താല്‍ എസ്.എം.എസ്. അയയ്ക്കാനാകും. എസ്.എം.എസ്. ലഭിക്കുന്നവര്‍ക്ക് മറുപടി അയയ്ക്കാനും സൗകര്യമുണ്ട് (മറുപടി എസ്.എം.എസ്സുകള്‍ക്ക് നിരക്ക് നല്‍കേണ്ടി വരും). ഈ മറുപടികള്‍ ഇ-മെയിലായി സ്വീകരിക്കാം.

ഗൂഗിള്‍ എസ്.എം.എസ്. നേരത്തേ തന്നെ അവതരിപ്പിച്ചിരുന്നുവെങ്കിലും പല രാജ്യങ്ങളിലും സേവനം ലഭ്യമായിരുന്നില്ല. എന്നാല്‍, ആഴ്ചകളായി ഒമാനില്‍ സേവനം ലഭ്യമാണ്. ഒമാനില്‍നിന്ന് ഗള്‍ഫില്‍ സൗദി, കുവൈത്ത്, ബഹ്‌റൈന്‍ എന്നീ രാജ്യങ്ങളിലേക്കും ഒമാനിലേക്ക് തന്നെയും എസ്.എം.എസ്. അയയ്ക്കാം. എന്നാല്‍, യു.എ.ഇ., ഖത്തര്‍ എന്നീ രാജ്യങ്ങളിലേക്ക് സേവനം ലഭ്യമല്ല. എസ്.എം.എസ്. സ്വീകരിക്കുന്നതിന് മൊബൈല്‍ കമ്പനികളുമായുള്ള ധാരണ പൂര്‍ത്തിയാകാത്തതാണ് കാരണം. അതേസമയം, യു.എ.ഇ.യില്‍നിന്ന് ഒമാനിലേക്കും പുറംനാടുകളിലേക്കും എസ്.എം.എസ്. അയയ്ക്കാനാകുന്നുവെന്ന് ഉപയോഗിച്ചവര്‍ പറഞ്ഞു. Google_SMS

ഒമാനില്‍നിന്ന് ഗള്‍ഫ് നാടുകള്‍ക്ക് പുറമേ ഇന്ത്യ, പാകിസ്താന്‍, ശ്രീലങ്ക, ഫിലിപ്പീന്‍സ്, ബംഗ്ലാദേശ്, ഇന്‍ഡോനേഷ്യ, മലേഷ്യ തുടങ്ങിയ ഒട്ടേറെ രാജ്യങ്ങളിലേക്ക് എസ്.എം.എസ്. അയയ്ക്കാനാകും. ജിമെയില്‍ ഇന്‍ ബോക്‌സിലെ വോയ്‌സ് ചാറ്റ് മെസഞ്ചറിലെ മോര്‍ മെനുവില്‍ പോയാണ് എസ്.എം.എസ്. അയയ്ക്കാന്‍ കഴിയുക. സ്വീകര്‍ത്താവിന്റെ രാജ്യം തിരഞ്ഞെടുത്ത് നമ്പര്‍ ചേര്‍ത്താല്‍ എസ്.എസ്.എസ്. കമ്പ്യൂട്ടര്‍, ടാബ്‌ലറ്റ് പോലുള്ളവ ഉപയോഗിച്ച് ജോലി ചെയ്യുന്നവര്‍ക്ക് എളുപ്പം അയയ്ക്കാവുന്ന തരത്തില്‍ ഉപയോഗിക്കാവുന്ന സംവിധാനമാണിത്. 140 അക്ഷരങ്ങളാണ് ഒരു എസ്.എം.എസ്സില്‍ അയയ്ക്കാനാകുക. അക്ഷരങ്ങള്‍ കൂടിയാല്‍ രണ്ട് എസ്.എം.എസ്സുകളായി പരിഗണിക്കപ്പെടും.

എസ്.എം.എസ്സിന് പുറമേ മൊബൈല്‍ ഫോണുകളിലേക്ക് നേരിട്ട് വിളിക്കാവുന്ന വോയ്‌സ് അപ്പ് സേവനവും ഗൂഗിള്‍ നല്‍കുന്നുണ്ട്. പത്തുഡോളര്‍ വീതം റീച്ചാര്‍ജ് ചെയ്താണ് സേവനം ഉപയോഗിക്കാനാവുക. ഒമാനില്‍നിന്ന് ഇന്ത്യയിലേക്ക് വിളിക്കുന്നതിന് 500 മിനിറ്റിന് ഏതാണ്ട് നാല് റിയാല്‍ നല്‍കണം. ഗൂഗിളായതിനാല്‍ സുരക്ഷിതമായ ഉപയോഗവും സേവനം ലഭ്യമല്ലെങ്കില്‍ തുക തിരിച്ചുനല്‍കുന്നതിനുള്ള സംവിധാനവും ലഭിക്കുന്നു. ക്രെഡിറ്റ് കാര്‍ഡ് ഉപയോഗിച്ചാണ് അക്കൗണ്ട് റീച്ചാര്‍ജ് ചെയ്യാനാവുക. അമേരിക്ക, കാനഡ രാജ്യങ്ങളില്‍നിന്നുള്ള വിളികള്‍ തീര്‍ത്തും സൗജന്യമാണ്. ഇന്ത്യയിലേക്കാണ് ഏറ്റവും കുറഞ്ഞ നിരക്കില്‍ വിളിക്കാനാവുക. ഫ്രാന്‍സ്, ജര്‍മനി, മെക്‌സിക്കോ എന്നീ രാജ്യങ്ങളിലേക്കും കുറഞ്ഞ നിരക്കാണെന്ന് ഗൂഗിള്‍ പറയുന്നു. ഗള്‍ഫ് നാടുകളിലേക്ക് ഒമാനില്‍നിന്ന് വിളിക്കാന്‍ ഏതാണ്ട് 100 പൈസ മിനിറ്റിന് നല്‍കണം.

ഒഴുകുന്ന ഡാറ്റ സെന്റര്‍; പദ്ധതിയുമായി ഗൂഗിൾ

ഗൂഗിള്‍ അതീവ രഹസ്യമായി സമുദ്രത്തില്‍ ഒഴുകുന്ന ഡാറ്റ സെന്റര്‍ നിര്‍മ്മിക്കുന്നുവെന്ന് റിപ്പോര്‍ട്ട്. നാലു നിലകളുടെ പൊക്കമുള്ള സംവിധാനം അനവധി കാര്‍ഗോ കണ്ടൈനര്‍കൊണ്ടാണ് നിര്‍മിച്ചിരിക്കുന്നത്. നിര്‍മ്മാണ പ്രവര്‍ത്തനങ്ങള്‍ നടക്കുന്ന സംവിധാനത്തിനു ചുറ്റം കനത്ത സുരക്ഷയാണ് ഒരുക്കിയിരിക്കുന്നത്. സമീപ വാസികള്‍ക്ക് ഇതൊരു രഹസ്യ പദ്ധതിയാണെന്നു മാത്രമേ അറിയൂ.

സാന്‍ ഫ്രാന്‍സിസ്‌കോ ഉള്‍ക്കടലിലെ കൃത്രിമ ദ്വീപായ ട്രഷര്‍ ഐലന്‍ഡിന്റെ സമീപത്താണ് സംവിധാനം ഒരുക്കുന്നത്. 250 അടി നീളവും 72 അടി വീതിയും 16 അടി പൊക്കവുമുണ്ട് ഇതിന്. ഡാറ്റാ സെന്ററിന്റെ പകര്‍പ്പവകാശം 2009ല്‍ തന്നെ അനുവദിച്ചിട്ടുണ്ട്. പേറ്റന്റ് സ്വന്തമാക്കിയ ജിമ്മി ക്ലിഡാറസ്, ഡേവിഡ് സ്റ്റിവര്‍, വില്യം ഹാംബര്‍ഗന്‍ എന്നിവര്‍ ഇപ്പോള്‍ ഗൂഗിളിലെ ജീവനക്കാരാണ്.
ഡാറ്റ സെന്ററിന്റെ പ്രവര്‍ത്തനത്തിനു വേണ്ട ഊര്‍ജ്ജം സൂര്യപ്രകാശത്തില്‍ നിന്നോ തിരമാലയില്‍ നിന്നോ സംഭരിക്കാം. ഉള്‍ക്കടലിലായതിനാല്‍ സുനാമി ഭൂമി കുലുക്കം മുതലായ പ്രകൃതിക്ഷോഭങ്ങളില്‍ നിന്നും ഒഴിവാകും. സര്‍വര്‍ തണുപ്പിക്കാനും കടലിലെ തണുപ്പുള്ള കാലാവസ്ഥയാണ് നല്ലത്.

വിട!!! ഗൂഗിള്‍ റീഡര്‍ July 1 വരെ മാത്രം

ഗൂഗിള്‍ പ്രമുഖ സേവനങ്ങളില്‍ ഒന്ന് കൂടി നിര്‍ത്തുന്നു, ഗൂഗിള്‍ റീഡര്‍. ഗൂഗിള്‍ റീഡറില്‍ ഉപയോക്താക്കള്‍ക്ക് താല്പര്യം കുറഞ്ഞു വന്നതാണ് ഈ സേവനം പിന്‍വലിക്കാന്‍ കാരണമെന്നാണ് കമ്പനി പറയുന്നത്. വെബ് അധിഷ്ടിതമായി പ്രവര്ത്തിക്കുന്ന ഫീഡ് റീഡറുകളില്‍ ഗൂഗിള്‍ റീഡര്‍ തുടക്കം മുതല്‍ തന്നെ മുന്‍പന്തിയില്‍ തന്നെയായിരുന്നു. 2005 ലായിരുന്നു ഗൂഗിള്‍ റീഡര്‍ ലഭ്യമായിരുന്നത്, നാളിതുവരെ തികച്ചും സൌജന്യമായാണ് ഈ സേവനം ലഭിച്ചിരുന്നത്.

ഗൂഗിള്‍ റീഡരില്‍ നമുക്ക് ഇഷ്ടമുള്ള വെബ്‌സൈറ്റുകളിലെ ഫീഡ് അഡ്രസ് കൊടുക്കുകയാണെങ്കില്‍ നിശ്ചിത ഇടവേളകളില്‍ ആ വെബ് സൈറ്റില്‍ വരുന്ന മാറ്റങ്ങള്‍ ഗൂഗിള്‍ റീഡരില്‍ കാണാന്‍ കഴിയും. തുടക്കം മുതല്‍ കോടിക്കണക്കിനു ആള്ക്കാരാണ് ഈ സേവനം ഉപയോഗിച്ചിരുന്നത്. എന്തായാലും ജുലൈ ഒന്നിന് മുമ്പായി ഉപയോക്താക്കള്‍ അവരുടെ ഡാറ്റ ഡൗണ്‍ലോഡ് ചെയ്ത് സൂക്ഷിക്കണമെന്ന് ഗൂഗിള്‍ നിര്‍ദ്ദേശിച്ചിട്ടുണ്ട്.

Google Reader

ഈ അടുത്താണ് ഗൂഗിള്‍ മറ്റു ചില സൗജന്യ സേവനങ്ങള്‍ നിരത്തിയത്‌- iGoogle, Google Mini, Google Talk Chatback, Google Video.

ഗൂഗിളിന്റെ പ്രൊജക്റ്റ്‌ ഗ്ലാസ്‌ ഈ വര്‍ഷാവസാനം എത്തും; വില 80,000ല്‍ താഴെ

പ്രൊജക്റ്റ്‌ ഗ്ലാസ്സിനെ കുറിച്ച് കേട്ടവര്‍ക്കെല്ലാം അതൊന്നു കാണാന്‍ ആഗ്രഹമുണ്ടാവും അത്തരക്കാര്‍ക്ക് സന്തോഷം നല്‍കുന്നതാണ് CNET നല്‍കിയിരിക്കുന്ന ഈ വാര്‍ത്ത‍. ഈ വര്ഷം അവസാനം തന്നെ പ്രൊജക്റ്റ്‌ ഗ്ലാസ്‌ പുറത്തിറങ്ങാന്‍ സാധ്യതയുടെന്നു റിപ്പോര്‍ട്ടില്‍ പറയുന്നു, പക്ഷെ വില ഇത്തിരി കൂടുമെന്ന് മാത്രം ഏകദേശം 80000 രൂപ.

Google Project Glass

പ്രൊജക്റ്റ്‌ ഗ്ലാസ്സിനെ കുറിച്ച് കൂടുതല്‍ അറിയാന്‍ http://en.wikipedia.org/wiki/Project_Glass