മത്സ്യഗ്രാമങ്ങളുടെ സമഗ്ര വികസനം ലക്ഷ്യമിട്ട് സംസ്ഥാന തീരദേശ വികസന കോര്‍പ്പറേഷന്‍ നടപ്പാക്കുന്ന പദ്ധതികളുടെ ഭാഗമായി എറണാകുളം ജില്ലയില്‍ 8.51 കോടി രൂപ ചെലവില്‍ അഞ്ച് ആശുപത്രി കെട്ടിടങ്ങള്‍ നിര്‍മിക്കുമെന്ന് മന്ത്രി കെ. ബാബു അറിയിച്ചു. ഇവയില്‍ ചിലതിന്റെ നിര്‍മാണം ആരംഭിച്ചിട്ടുണ്ട്. പൂത്തോട്ടയിലെ പബ്ലിക് ഹെല്‍ത്ത് സെന്ററില്‍ പുതിയ ഐപി ബ്ലോക്കിന്റെ നിര്‍മാണം ഉദ്ഘാടനം ചെയ്യുകയായിരുന്നു അദ്ദേഹം. ജില്ലയില്‍ തന്നെ 2.07 കോടി രൂപയുടെ 11 സമാന പദ്ധതികള്‍ ഇതിനോടകം പൂര്‍ത്തീകരിച്ചതായും മന്ത്രി കൂട്ടിച്ചേര്‍ത്തു.
