4K വീഡിയോ സ്ട്രീമിങ് യൂറ്റ്യൂബിലും വരുന്നു

ടെലിവിഷനോടുള്ള മത്സരം ഞങ്ങളെന്നേ അവസാനിപ്പിച്ചു എന്ന് പറഞ്ഞത് ഗൂഗിള്‍ ചെയര്‍മാന്‍ എറിക് ഷ്മിത്താണ്. ടെലിവിഷന്‍ എച്ച്ഡിയും ഫുള്‍എച്ച്ഡിയും ത്രിഡിയും സാങ്കേതിക വിദ്യകളിലൂടെ വികസിപ്പിക്കപ്പെട്ടപ്പോള്‍ അതെല്ലാം ഗൂഗിള്‍ തങ്ങളുടെ യൂറ്റ്യൂബിലേക്കും വിജയകരമായി സന്നിവേശിപ്പിച്ചു.

എന്നാല്‍ ടെലിവിഷന്‍റെ പ്രയാണത്തിലെ ഏറ്റവും പുതിയ സാങ്കേതിക സംവിധാനമായ ഫുള്‍ എച്ച്ഡിയെക്കാള്‍ നാലിരട്ടി ദൃശ്യ മിഴിവ് തരുന്ന 4k സംവിധാനം യൂറ്റ്യൂബ് വിജയകരമായി പരീക്ഷിച്ചു വിജയിച്ചു എന്നതാണ് ഏറ്റവും പുതിയ വാര്‍ത്ത.
youtube 4k resolution
ലോസ് എയ്ഞ്ചല്‍സില്‍ നടക്കുന്ന കണ്‍സ്യൂമര്‍ ഇലട്രോണിക്‌സ് ഷോയില്‍ 4K ഓണ്‍ലൈന്‍ സ്രടീം യൂറ്റ്യൂബ് അവതരിപ്പിക്കും. 2010 ല്‍ തന്നെ ഇത്തരത്തില്‍ ഒരു സംവിധാനം ഏര്‍പ്പെടുത്താന്‍ യൂറ്റ്യൂബ് ടീം ഒരുങ്ങിയിരുന്നെങ്കിലും അന്നത് വിജയിക്കാതെ പോയി. നെറ്റ്ഫിക്‌സ് എന്ന ടെക് ഭീമനും സമാന പരീക്ഷണങ്ങള്‍ 2013 ല്‍ നടത്തിയിരുന്നു.

VP9 എന്ന സാങ്കേതിക സംവിധാനമൊരുക്കിയാണ് യൂറ്റ്യൂബ് ഇത് ചെയ്യാന്‍ ഒരുങ്ങുന്നത്. ഈ സാങ്കേതിക വിദ്യയില്‍ ബാന്‍റ് വിത്ത് ഉപഭോഗം നേര്‍ പകുതിയാക്കി കുറയ്ക്കാമെന്നും ഇതുവഴി മൊബൈല്‍, ടാബ് തുടങ്ങിയ സംവിധാനത്തിലൂടെ എച്ഡിയുടെ നാലിരട്ടി മിഴിവില്‍ വീഡിയോ കാണാമെന്നും യൂറ്റിയൂബ് വ്യക്തമാക്കുന്നു.

4K വീഡിയോകള്‍ ലഭിക്കാനായി മൊബൈലുകളെ സജീകരിക്കാനായി പ്രമുഖ പ്രൊസ്സസ്സര്‍ കമ്പനികളായ എന്‍വീഡിയയും ക്യുയല്‍ കോമും പ്രത്യേക പ്രൊസ്സസ്സറുകള്‍ നിര്‍മ്മിച്ചു കഴിഞ്ഞു.

സംഗതികള്‍ ഇങ്ങനെയൊക്കെയാണ് മുന്നോട്ട് പോകുന്നതെങ്കില്‍ നമ്മുടെ വീടുകളിലെ ടെലിവിഷന്‍ എന്ന ഉപകരണം ഇനിയെത്രകാലം കാണും? എല്ലാം മൊബൈലിലേക്ക് ചേക്കേറുന്ന ഇക്കാലത്ത് പ്രത്യേകിച്ചും.

കടപ്പാട്: വരുണ്‍ രമേഷ്

Youtube is going to launch 4k resolution streaming.

ഡിടിഎച്ച് വഴി ടിവിയില്‍ യൂട്യൂബ് ലഭ്യമാക്കാന്‍ ഗൂഗിള്‍

YouTube-on-tvഇന്ത്യയിൽ ഡിടിഎച്ച് സംവിധാനം വഴി ടിവിയില്‍ യൂട്യൂബ് സൗകര്യമൊരുക്കാന്‍ ഗൂഗിള്‍ ഒരുങ്ങുന്നു. ഇതിനായി രാജ്യത്തെ ഡിടിഎച് കേബിള്‍ ദാതാക്കളുമായി ചര്‍ച്ച നടത്തിവരികയാണ് ഗൂഗിളിപ്പോള്‍. ഗൂഗിളിന്റെ പ്ലാറ്റ്‌ഫോം പാര്‍ട്ട്ണര്‍ഷിപ്പ് ആഗോള ഡയറക്ടര്‍ ഫ്രാന്‍സിസ്‌കോ വരേലയാണ് ഇക്കാര്യം വ്യക്തമാക്കിയത്.

ഗൂഗിളിന്റെ വീഡിയോ ഷെയറിംഗ് വെബ്‌സൈറ്റായ യൂട്യൂബിന്റെ മികച്ച വിപണികളിലൊന്നാണ് ഇന്ത്യ. ഡിടിഎച്ച് സംവിധാനത്തിലൂടെ യൂട്യൂബ് കിട്ടിതുടങ്ങുന്നതോടെ കംപ്യൂട്ടര്‍, മൊബൈല്‍ ഫോണ്‍ തുടങ്ങിയവയ്ക്ക് പുറമെ ടിവി സ്‌ക്രീനിലും യൂട്യൂബ് വീഡിയോ ആസ്വദിക്കാനാവും. ഇതിനായി ഡിടിഎച് കേബിള്‍ ദാതാക്കളുമായി ഉടന്‍ ധാരണയിലെത്താനാണ് ഗൂഗിള്‍ ശ്രമിക്കുന്നത്.

ഗൂഗിളിന് വരുമാനം നേടികൊടുക്കുന്നതില്‍ യൂട്യൂബ് പ്രധാനപങ്കുവഹിക്കുന്നുണ്ട്. കഴിഞ്ഞ വര്‍ഷം 5000 കോടി ഡോളറിന്റെ വരുമാനമാണ് യൂട്യൂബ് വഴി ഗൂഗിളിന് ലഭിച്ചത്. രാജ്യത്ത് പ്രതിമാസം 550 ലക്ഷം യൂട്യൂബ് സന്ദര്‍ശകരുണ്ടെന്നാണ് കണക്ക്.

ടെലികോം റെഗുലേറ്ററി അതോറിട്ടി ഓഫ് ഇന്ത്യയുടെ കഴിഞ്ഞ വര്‍ഷത്തെ കണക്കുപ്രകാരം രാജ്യത്ത് 540 ലക്ഷം ഡിടിഎച്ച് ഉപഭോക്താക്കളാണുള്ളത്.