വ്യാജ യൂസര് അക്കൗണ്ടുകളും, വ്യാജ ‘ലൈക്കുകളും’ (fake ‘likes’) നീക്കംചെയ്ത് സൈറ്റിന് ശുദ്ധികലശം നടത്താനുള്ള നീക്കം ഫെയ്സ്ബുക്ക് ആരംഭിച്ചു. ഫെയ്സ്ബുക്കില് എത്ര വ്യാജ അക്കൗണ്ടുണ്ട് എന്നകാര്യം വ്യക്തമല്ല. എന്നാല്, നടപടി ആരംഭിച്ച് ഒറ്റ ദിവസംകൊണ്ടുതന്നെ അതിന്റെ ഫലം കണ്ടുതുടങ്ങി. തങ്ങളുടെ സൈറ്റിലെ 8.7 ശതമാനം യൂസര്മാരും വ്യാജമാണെന്ന് ഫെയ്സ്ബുക്ക് തന്നെ സമ്മതിച്ചിട്ടുള്ള സംഗതിയാണ്. പാഴ്സന്ദേശ റാക്കറ്റുകളും മറ്റും രൂപപ്പെടുത്തിയ അക്കൗണ്ടുകളാണ് അവ. അതുപയോഗിച്ച്, ചില പേജുകള്ക്ക് കൃത്രിമമായി ‘ലൈക്കുകള്’ വര്ധിപ്പിച്ച് പേജുകള് കൂടുതല് ജനപ്രിയമാണെന്ന് വരുത്താനുള്ള ശ്രമം പലപ്പോഴും ഫെയ്സ്ബുക്കിന്റെ വിശ്വാസ്യതയ്ക്ക് വെല്ലുവിളിയാണ്.
Facebook Comments