ഇന്റര്‍നെറ്റ് കഫേയിലിരുന്ന് പോണ്‍ ആസ്വദിച്ചതിന് ഹൈദരാബാദ് പോലീസ് പൊക്കിയത് 47 കുട്ടികളെ. പ്രായപൂര്‍ത്തിയായിട്ടില്ല എന്ന കാര്യത്തിനാണ് പിടികൂടിയ ഇവരെ പൊതുജനങ്ങള്‍ക്കും മാധ്യമങ്ങള്‍ക്കും മുന്നിലൂടെ നടത്തിക്കൊണ്ടു പോയി പോലീസ് പുലിവാല്‍ പിടിക്കുകയും ചെയ്തു. മാതാപിതാക്കളുടെ പരാതിയെ തുടര്‍ന്നായിരുന്നു പോലീസ് നഗരത്തിലെ കഫേകളില്‍ റെയ്ഡ് നടത്തിയത്. ഇന്റര്‍നെറ്റ് സെന്റര്‍ നടത്തിയിരുന്ന ആളും പിടിയിലായിട്ടുണ്ട്.
ചൊവ്വാഴ്ച രാത്രിയില്‍ ദക്ഷിണ സോണിലെ 17 പോലീസ് സ്‌റ്റേഷന്‍ പരിധിയിലെ 92 ഇന്റര്‍നെറ്റ് കഫേകളിലായിരുന്നു പോലീസ് റെയ്ഡ് നടത്തിയത്. പിടികൂടപ്പെട്ടവര്‍ എല്ലാം തന്നെ 12 നും 16 നും ഇടയില്‍ പ്രായക്കാരാണ്. കുട്ടികളെ പോലീസുകാര്‍ മാധ്യമങ്ങള്‍ക്ക് മുമ്പില്‍ പ്രദര്‍ിെപ്പിക്കുകയും ചെയ്തു. പിന്നീട് മാതാപിതാക്കളുടെ സാന്നിദ്ധ്യത്തില്‍ കുഞ്ഞുങ്ങള്‍ക്ക് കൗണ്‍സിലിംഗ് നല്‍കുകയും ചെയ്തു. ഇന്റര്‍നെറ്റ് സെന്റര്‍ ഉടമകള്‍ക്കെതിരേ ആറു മാസം മുതല്‍ രണ്ടു വര്‍ഷം വരെ തടവ് ലഭിക്കാന്‍ കഴിയുന്ന രീതിയിലുള്ള 37 കേസുകള്‍ എടുത്തിട്ടുണ്ട്.